Америкийн томоохон муж болох Техасын Олон нийтийн аюулгүй байдлын албанаас Мексик болон түүний хил дагуу орнуудад энэ хавар аялал, жуулчлал хийхгүй байхыг зөвлөжээ. Учир нь энэ нь хэтэрхий аюултай гэнэ. Энэ нь Техасын албаны зүгээс аялал жуулчлалын эсрэг гаргаж буй анхны зөвлөгөө юм. Урьд нь ердөө л анхаарал болгоомжтой байхыг сануулдаг байсан нь ийнхүү огт аялахгүй байхыг хүссэн зөвлөгөөгөөр солигджээ.

“Учир нь хүчирхийлэл өсч байна. Эцэг эхчүүд хүүхдүүддээ аялал хийхийг нь зөвшөөрөх нь өөрөө тун буруу шийдвэр болно. Учир нь залуусын аюулгүй байдлыг бид батлан дааж чадахгүй” хэмээн албаныхан ярьж байна.

Мексикийн албаныхны бүртгэснээр 2600 хүн өнгөрөгч 2009 онд Ciudad Juarez-т алагджээ. Түүнчлэн 16 мянган автомашины хулгай, 1900 дээрэм мөн онд гарсан байна. Гэвч гол аюул нь ганц энэ биш. Мексикт хар тамхины наймаачдын хоорондын зөрчилдөөнөөс болж цөөнгүй энгийн номхон иргэд хохирдог байна.

Мексикийн Техастай хил залгаа Ciudad Juarez, Tijuana, Chihuahua хот, Nogales, Matamoros, Reynosa болон Monterrey нь хамгийн аюултай бүсэд тооцогдож байгаа тул та бүхнийг ч мөн эдгээр газарт аялахгүй байхыг зөвлөж байна.